რუსეთმა არ გაანადგურა კიევი, რადგან არ სურდა მასზე ბევრი რაკეტის დახარჯვა, მათ გაანადგურეს ქვეყნის 20 პროცენტი და არა 100 პროცენტი. მაგრამ 100%-ით განადგურება რომ სდომებოდათ, ამას ადვილად გააკეთებდნენ, - ამის შესახებ აშშ-ის პრეზიდენტმა დონალდ ტრამპმა ჟურნალისტებს განუცხადა.
მისი თქმით, უკრაინას შეეძლო სამი წლის განმავლობაში რუსეთთან მოლაპარაკება.
„იმედგაცრუებული ვარ. ისინი განაწყენებულები არიან, რომ მოლაპარაკების მაგიდასთან არ მიიწვიეს.
მათ ჰქონდათ შესაძლებლობა შეთანხმებულიყვნენ ამ სამი წლის განმავლობაში და ბევრად ადრეც. ყველაფერი ძალიან მარტივად შეიძლებოდა მოგვარებულიყო.
გამოუცდელ მომლაპარაკებელსაც კი შეეძლო რაღაცის დალაგება რამდენიმე წლის წინ. უზარმაზარი ტერიტორიული დანაკარგების გარეშე, ადამიანური დანაკარგების გარეშე, ფერფლად ქცეული ქალაქების გარეშე. მათი საოცარი ათასწლოვანი ოქროს ტაძრები განადგურდა, მთელი ცივილიზაცია გაქრა და ამის დაბრუნება აღარასოდეს შეიძლება. თუ ღელავენ, რომ მაგიდასთან არ მიიწვიეს, მაშინ თვითონ უნდა წასულიყვნენ და დიდი ხნის წინ გარიგება დაედოთ. ტრამპის პირველი ადმინისტრაციის დროს პუტინი ამას არ გააკეთებდა. ჩვენ გვყავს შესანიშნავი მეხანძრეები, მთელ მსოფლიოში ვაქრობთ ხანძარს.
ჩვენ ვართ ისეთ სიტუაციაში, როცა უკრაინაში დიდი ხანია არჩევნები არ ჩატარებულა. იქ საომარი მდგომარეობაა. უკრაინის პრეზიდენტს, ძალიანაც არ ამინდა ამის აღიარება, მაგრამ რეიტინგი 4% აქვს, ხოლო მისი ქვეყანა დანგრეულია. დიახ, რუსეთმა არ გაანადგურა კიევი, რადგან არ სურდა მასზე ბევრი რაკეტის დახარჯვა. მათ გაანადგურეს ქვეყნის 20 პროცენტი და არა 100 პროცენტი. მაგრამ 100%-ით განადგურება რომ სდომებოდათ, ამას ადვილად გააკეთებდნენ. უკრაინის მოსახლეობამ არ უნდა თქვას: „ჩვენ დიდი ხანია არჩევნები არ გვქონია“? ეს არ არის რუსეთის აზრი. ეს არის ის, რაც მოდის ჩემგან და მრავალი სხვა ქვეყნიდან. უკრაინა უბრალოდ აღგვილია მიწისაგან. გადახედეთ მათ ქალაქებს. ღაზაზე ლაპარაკობთ? მათ აქვთ ქალაქები, რომლებიც ღაზის მსგავსად გამოიყურება“, - განაცხადა ტრამპმა.
ამასთან, ამერიკის პრეზიდენტმა აღნიშნა, რომ , მას არ უნახავს ხარჯთაღრიცხვა, სად წავიდა აშშ-ის მიერ გამოყოფილი დახმარება.
"ჩვენ უნდა გავარკვიოთ სად წავიდა ფული. ზელენსკიმ თქვა, რომ მას არ მიუღია იმ თანხების ნახევარიც კი, რომელიც აშშ-მა უკრაინას გადასცა, კიევს მივაწოდეთ 350 მილიარდი დოლარი, შეიძლება, ცოტა ნაკლები, მაგრამ ეს მნიშვნელოვანი თანხაა. ევროპამ კი უკრაინას გაცილებით ნაკლები, დაახლოებით 100 მილიარდი დოლარი მისცა. ევროპას ეს უფრო სჭირდება. მე არასოდეს მინახავს ხარჯთაღრიცხვა, თუ როგორ დაიხარჯა ეს ფული.
მე მაქვს საკმარისი ძალა ამ ომის დასასრულებლად. და მე ეს კარგად გამომდის. მაგრამ დღეს მესმის: "ოჰ, ჩვენ არ მიგვიწვიეს!" სად იყავი სამი წლის განმავლობაში?! ამის დასრულება შეგეძლოთ სამი წლის წინ! ეს თქვენ თვითონ არ უნდა დაგეწყოთ! მე შემეძლო დამედო გარიგება უკრაინისთვის, რომელიც მათ თითქმის მთელ მიწას დაუბრუნებდა და არავის მოკლავდნენ, არც ქალაქები განადგურდებოდა და არც ტაძრები დაინგრეოდა. მაგრამ მათ გადაწყვიტეს ეს არ გაეკეთებინათ.
პრეზიდენტ ბაიდენს კი არაფერი ესმოდა, ის ისეთი ცუდი, ისეთი ცუდი, ისეთი პათეტიკური, ისეთი სევდიანი სანახაობა იყო. არც კი ვიცი, ვინმე ცხოვრობს თუ არა უკრაინის დანგრეულ ქალაქებში. მათ თქვეს, რომ იქ ჩაატარეს გამოკითხვა და ზელენსკის რეიტინგი 4% აქვს. ვინ ცხოვრობს იქ? ძნელი წარმოსადგენია, რომ იქ ვინმე ცხოვრობდეს“, - განაცხადა ტრამპმა.
