ხელვაჩაურში ვულკანური პენზის ბლოკების მწარმოებელი საწარმოს მშენებლობა იწყება. ვულკანური პენზის ბლოკები, სხვა ბლოკებისაგან განსხვავებით შედარებით მსუბუქი, უფრო მედეგია და სტანდარტებს აკმაყოფილებს. კომპანია "ბათუმ ბლოკის" დამფუძნებელმა, თურქმა ინვესტორმა ქამილ ჩევრუქიმ, აჭარის ფინანსთა და ეკონომიკის სამინისტროსგან ხელვაჩაურში მდებარე შპს "მშენებელი 2000"-ის საწესდებო კაპიტალიდან გამოტანილი არმატურის საამქრო და არასასოფლო-სამეურნეო დანიშნულების მიწის ნაკვეთი უკვე იყიდა, რაშიც 455 ათასი ლარი გადაიხადა.
აუქციონის პირობების თანახმად, მყიდველი ვალდებულია აუქციონის ჩატარებიდან 24 თვის განმავლობაში სამშენებლო ბლოკების საწარმო შეიყვანოს ექსპლუატაციაში, თუმცა როგორც ინვესტორი აცხადებს საწარმო ექსპლუატაციაში 6 თვეში გაეშვება. პირობებიანი აუქციონის თანახმად, ინვესტორი საწარმოში 1 მლნ. 170 ათასი აშშ დოლარის ინვესტიციას განახორციელებს. ინვესტორი ვალდებულია ასევე საწარმოში მინიმუმ 10 ადგილობრივი მკვიდრი დაასაქმოს.
აჭარის ფინანსთა და ეკონომიკის სამინისტროს ინფორმაციით, შენობის ფართის სიდიდე 1759,5 კვ.მ-ია, ხოლო მიწის ფართის სიდიდე 9 514 კვმ; 544 კვ.მ.
