დიდი ბრიტანეთის პრემიერ-მინისტრმა კირ სტარმერმა განაცხადა, რომ მზად არის უკრაინაში გაგზავნოს ბრიტანელი სამხედროები, რათა უზრუნველყოს ნებისმიერი სამშვიდობო შეთანხმების აღსრულება. ამის შესახებ The Telegraph იუწყება.
„დიდი ბრიტანეთი მზად არის წამყვანი როლი ითამაშოს უკრაინის უსაფრთხოების გარანტიებზე მუშაობის დაჩქარებაში. ეს მოიცავს უკრაინის სამხედროების შემდგომ მხარდაჭერას, რომლისთვისაც დიდ ბრიტანეთი 2030 წლამდე, წელიწადში სულ მცირე 3 მილიარდ ფუნტ სტერლინგს გამოყოფს. ეს ასევე ნიშნავს მზადყოფნას და სურვილს შევიტანოთ წვლილი უკრაინის უსაფრთხოების უზრუნველყოფაში, საჭიროების შემთხვევაში, ადგილზე ჩვენი ჯარების განლაგებით“, - განაცხადა სტარმერმა.
სტარმერმა აღნიშნა, რომ ნებისმიერი როლი უკრაინის უსაფრთხოების უზრუნველყოფაში ეხმარება კონტინენტისა და ქვეყნის უსაფრთხოების უზრუნველყოფას.
ბრიტანეთის პრემიერ-მინისტრი დარწმუნებულია, რომ ომის დასრულება არ შეიძლება გახდეს დროებითი პაუზა რუსეთის პრეზიდენტის ვლადიმირ პუტინის შესაძლო თავდასხმამდე.
„მაგრამ ნებისმიერი როლი უკრაინის უსაფრთხოების უზრუნველყოფაში ხელს უწყობს ჩვენი კონტინენტისა და ამ ქვეყნის უსაფრთხოების უზრუნველყოფას. ამ ომის დასასრული, როცა ის დადგება, არ შეიძლება იყოს მხოლოდ დროებითი პაუზა, ვიდრე პუტინი ხელახლა გადაწყვეტს თავდასხმას“, - თქვა სტარერმა.
მისი თქმით, ბრიტანეთს შეუძლია შეასრულოს "უნიკალური როლი", როგორც ხიდი ევროპასა და აშშ-ს შორის უკრაინაში სამშვიდობო პროცესში.
"ეს გადამწყვეტი მომავალი დღეები განსაზღვრავს ჩვენი კონტინენტის სამომავალო უსაფრთხოებას. როგორც პარიზში ვიტყვი, მშვიდობა ძალაში მოდის. მაგრამ პირიქითაც არის. სისუსტე იწვევს ომს," - აღნიშნა სტარმერმა.
საფრანგეთის პრეზიდენტი, ემანუელ მაკრონი პარიზში გერმანიიდან, გაერთიანებული სამეფოდან, იტალიიდან, პოლონეთიდან, ესპანეთიდან, ნიდერლანდებიდან და დანიიდან კოლეგებს უმასპინძლებს, რათა საპასუხო ნაბიჯები შეიმუშაონ. შეხვედრაზე ასევე იქნება NATO-ს გენერალური მდივანი მარკ რუტეც.
