საქართველოს მეხუთე პრეზიდენტმა სალომე ზურაბიშვილმა, მიუნხენის უსაფრთხოების კონფერენციაზე, უმაღლესი დონის შეხვედრებისას ევროპელ ლიდერებსა და საერთაშორისო ორგანიზაციების ხელმძღვანელებს ქართულ მედიაში შექმნილი მდგომარეობა გააცნო, დაკავებული, მოშიმშილე ჟურნალისტის, მზია ამაღლობელის შესახებ ესაუბრა და ის წერილი გადასცა, რომელიც მედიის წარმომადგენლებმა თბილისში, მეხუთე პრეზიდენტთან შეხვედრის შემდეგ მოამზადეს.
ქართული მედიის 17 წარმომადგენლის წერილი, რომელიც ბოლო პერიოდში, ქვეყანაში განვითარებული მოვლენების ფონზე ტელევიზიებში, რეგიონულ მედიასა და ონლაინმედიაში შექმნილ მდგომარეობას ასახავდა, სალომე ზურაბიშვილმა გადასცა:
ესტონეთის პრეზიდენტს, ალან კარის,
მოლდოვას პრეზიდენტს, მაია სანდუს,
ევროპის საბჭოს გენერალურ მდივანს, ალენ ბერსეს,
საგარეო საქმეთა და უსაფრთხოების საკითხებში ევროკავშირის უმაღლეს წარმომადგენელს, კაია კალასს,
ჰელსინკის კომისიის თანათავმჯდომარეს, ჯო უილსონს.
ინფორმაციას პრესსამსახური ავრცელებს
