შეერთებული შტატები მოსკოვს სანქციებით და შესაძლოა სამხედრო ქმედებებითაც დაარტყამს, თუ რუსეთის პრეზიდენტი ვლადიმირ პუტინი არ დათანხმდება უკრაინასთან სამშვიდობო შეთანხმებას, რომელიც უზრუნველყოფს კიევის გრძელვადიან დამოუკიდებლობას. ამის შესახებ 13 თებერვალს აშშ-ის ვიცე-პრეზიდენტმა ჯეი დი ვენსმა განაცხადა. იუწყება The Wall Street Journal
გამოცემის ცნობით, ვენსმა თქვა, რომ უკრაინაში აშშ-ის ჯარების გაგზავნის ვარიანტი, თუ მოსკოვი კეთილსინდისიერად მოლაპარაკებას ვერ განახორციელებს, რჩება მაგიდაზე, რაც გამოცემის თქით, ბევრად უფრო მკაცრად ჟღერს, ვიდრე თავდაცვის მდივნის პიტ ჰეგსეთის განცხადება, რომლის თანახმად, აშშ უკრაინაში ჯარს არ გაგზავნის.
„არსებობს გავლენის ეკონომიკური ინსტრუმენტები და რა თქმა უნდა, არის გავლენის სამხედრო ინსტრუმენტები, რომლებიც აშშ-ს შეუძლია პუტინის წინააღმდეგ გამოიყენოს“, - განაცხადა ვენსმა.
ამასთან, მან გამოთქვა მოსაზრება, რომ „შედეგად მიიღწევა შეთანხმება, რომელიც შოკში ჩააგდებს ბევრ ადამიანს“.
აშშ-ის ვიცე-პრეზიდენტმა ასევე ხაზგასმით აღნიშნა, რომ ტრამპი „არ აპირებს შეხვედრაზე თვალდახუჭული წავიდეს“.
”ის იტყვის: ”ყველაფერი მაგიდაზეა, მოდით, გარიგება დავდოთ”, - თქვა ვენსმა.
მან აღნიშნა, რომ ჯერ ნაადრევია საუბარი იმაზე, უკრაინის ტერიტორიის რა ნაწილი შეიძლება დარჩეს რუსეთის ხელში ან რა უსაფრთხოების გარანტიები შეიძლება შესთავაზონ კიევს აშშ-მა და სხვა დასავლელმა მოკავშირეებმა. მისი თქმით, ეს დეტალები სამშვიდობო მოლაპარაკებების დროს უნდა შემუშავდეს.
"არსებობს რამდენიმე ფორმულირება, კონფიგურაცია, მაგრამ ჩვენ ნამდვილად ვზრუნავთ იმაზე, რომ უკრაინას ჰქონდეს სუვერენული დამოუკიდებლობა", - ხაზგასმით აღნიშნა ვენსმა.
ამასთან, ვენსის თქმით, ტრამპის ადმინისტრაცია შეეცდება დაარწმუნოს პუტინი, რომ რუსეთს შეუძლია მოლაპარაკებების მაგიდასთან მეტის მიღწევა, ვიდრე ბრძოლის ველზე.
ამავდროულად, აშშ-ის ვიცე-პრეზიდენტი აღნიშნავს, რომ ტრამპმა, შესაძლოა, აზრი შეიცვალოს იმისდა მიხედვით, თუ როგორ განვითარდება მოლაპარაკებები.
„პრეზიდენტ ტრამპს შეუძლია თქვას: „გვისმინეთ, ჩვენ არ გვინდა ეს, შეიძლება არ მოგვწონდეს, მაგრამ ჩვენ მზად ვართ დავაბრუნოთ ეს საკითხი მოლაპარაკების მაგიდასთან, თუ რუსები არ იქნებიან მოლაპარაკების კარგი პარტნიორები, ან თუ იქნება რაღაცები, რაც ძალიან მნიშვნელოვანია უკრაინელებისთვის, რომელთა მოხსნასაც მოლაპარაკების მაგიდიდან მოვისურვებთ“, - თქვა ვენსმა.
