"2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ" დროებით საგამოძიებო კომისიას თეა წულუკიანი უხელმძღვანელებს.
კომისიის წევრებმა წულუკიანის თავმჯდომარედ არჩევის გადაწყვეტილება დღეს გამართულ სხდომაზე მიიღეს.
ამასთან, კომისიის მდივნად "ხალხის ძალის" წარმომადგენელი სოზარ სუბარი აირჩიეს.
ქართულმა ოცნებამ "2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისია" შექმნა.
კომისიის წევრები არიან თეა წულუკიანი, ალექსანდრე ტაბატაძე, თენგიზ შარმანაშვილი, ალუდა ღუდუშაური, პაატა სალია, სოზარ სუბარი, გურამ მაჭარაშვილი და ილია ინჯია.
