დედაქალაქში ტრამვაის ხაზის ამოქმედების შესახებ თბილისის მერიის საქალაქო სატრანსპორტო სამსახურში ინფორმაციას ჯერჯერობით არ აკონკრეტებენ. თუმცა როგორც ამავე სამსახურის უფროსმა აკაკი ჯოხაძემ "ჯი-ეიჩ-ენთან" კომენტირებისას განმარტა, მისი სურვილია, ტრამვაის ხაზი მეტრო "ახმეტელის" გზას აგრძელებდეს და მთელ გლდანს მოიცავდეს.
"მას შემდეგ, რაც თბილისის მოსახლეობა გამოიკითხება და სატრანსპორტო ქსელის შიდამეურნეობას შევისწავლით, მხოლოდ ამის მერე შეგვეძლება, ტრამვაის ხაზის მიმართულების განსაზღვრა,"_აღნიშნა აკაკი ჯოხაძემ.
ჯოხაძის მოსაზრებით, ტრამვაის ხაზის ამოქმედება გლდანის მოსახლეობისთვის იქნებოდა მნიშვნელოვანი.
"დღესდღეობით 600 მიკროავტობუსი და 150 ავტობუსი მხოლოდ გლდანს ემსახურება. ტრამვაი კი ამ პრობლემას განმუხტავდა",_აღნიშნა აკაკი ჯოხაძემ.
