"დედაქალაქში მიკროავტობუსებზე ფასების ზრდა არ იგეგმება,"_ ამის შესახებ თბილისის მერიის ტრანსპორტის საქალაქო სამსახურის უფროსმა აკაკი ჯოხაძემ "ჯი-ეიჩ-ენთან" საუბრისას განაცხადა.
მისი თქმით, დიზელის საწვავის გაძვირება სულაც არ ნიშნავს მიკროავტობუსებზე ფასების გაზრდას, რადგამ ამ სფეროს სატრანსპორტო ბაზარი არეგულირებს.
"თბილისში ტრანსპორტის მომსახურების მხრივ დიდი კონკურენციაა. ე.წ. "მარშრუტკების" გარდა უამრავი ავტობუსი მოძრაობს. აქედან გამომდინარე, სამარშრუტო ტაქსების მძღოლების ინტერესში მგზავრთა გადაყვანისთვის ფასის ზრდა არ შედის,"_აღნიშნა აკაკი ჯოხაძემ.
შეგახსენებთ, ბოლო დროს გავრცელდა ინფორმაცია, რომ დიზელის საწვავის გაძვირება დედაქალაქში სამარშრუტო საშუალებების მომსახურების ფასზე აისახებოდა.