საქართველოს მეხუთე პრეზიდენტთან, სალომე ზურაბიშვილის შეხვედრა ოპოზიციასთან დასრულდა. როგორც შეხვედრის შემდეგ, “ერთიანი ნაციონალური“ მოძრაობის ლიდერმა, გიორგი ვაშაძემ განაცხადა, შეთანხმდნენ ფორმატზე, რომელიც ითვალისწინებს სისტემატურ შეხვედრებს, ყოველ კვირას, ან 2 კვირაში ერთხელ.
მისი თქმით, ამ შეხვედრებზე მოხდება პოზიციების გაცვლა და შეჯერება, რადგან ერთიან ქმედებებს გადამწყვეტი მნიშვნელობა აქვს.
"ჩვენ შევთანხმდით, რომ გარკვეულწილად ეს ფორმატი იქნება, რომელიც ითვალისწინებს სისტემატურ შეხვედრებს, ყოველ კვირას, ან 2 კვირაში ერთხელ გავცვლით პოზიციებს და შევაჯერებთ, რაც არის კარგი, რადგან ჩვენ ერთიან ქმედებებს აქვს გადამწყვეტი მნიშვნელობა, ამ უმძიმეს ბრძოლაში გამარჯვება მოვიპოვით და ვფიქრობ, საზოგადოების მოთხოვნაც ესაა.
ვისუბრეთ, მომავალ კვირაში ევროპარლამენტში მიმდინარე საკითხებზე, რომელიც საქართველოს შეეხება, ასევე მოუნხენის კონფერენციაზე, სადაც ქალბატონი სალომე მიემგზავრება და ასევე შევთანხმდით ერთ საკითხზე, რომ ერთობლივად გავაკეთებთ სიებს იმ ადამიანების, რომლებიც ჩართულები არიან დანაშაულებრივი სისტმემის დავალებების შესრულებაში. იქნება ეს გამომძიებელი, მოსამართლე, ცრუ მოწმე, მტკიცებულებების გამყალბებლები. ჩვენ ყველას გვაქვს შეგროვებული მონაცემები, ამას შევაჯერებთ და პარტნიორებთან ამ სახელობითი სიებით მუშაობა გვექნება იმისთვის, რომ მათი სანქცირება მოხდეს.
მთავარი პოზიტიური რაც ამ შეხვედრიდან არის ის, რომ შევთანხმდით საერთო პლატფორმაზე, სადაც მუდმივად გვექნება ერთიანი სამოქმედო პროცესი, - განაცხადა გიორგი ვაშაძემ.
