საქართველოს ეკონომიკისა და მდგრადი განვითარების მინისტრი ვერა ქობალია თურქეთში, ქალი-მეწარმეების საერთაშორისო კონფერენციაში მიიღებს მონაწილებას.
ამის შესახებ "ჯი-ეიჩ-ენს" ეკონომიკისა და მდგრადი განვითარების სამინისტროდან აცნობეს.
საერთაშორისო კონფერენცია თურქეთში 24-26 იანვარს გაიმართება. მასში მონაწილეობას მიიღებენ ქალი-მეწარმეები საქართველოდან, აზერბაიჯანიდან, სომხეთიდან, საბერძნეთიდან, კვიპროსიდან და თურქეთიდან.
საერთაშორისო კონფერენციას, "ინვესტირება მომავალში. ქალები ეკონომიკურ განვითარებას უზრუნველყოფენ" 125 მეწარმე ქალი დაესწრება.
კონფერენციის ერთ-ერთი ორგანიზატორი აშშ-ის მთავრობის სახელმწიფო დეპარტამენტია.
კონფერენციის მთავარი თემა მეწარმეების დაახლოება და ახალი იდეების გაზიარებაა.
კონფერენციის ფარგლებში დაგეგმილია ასევე მრგვალის მაგიდის მოწყობაც.
მასალის გამოყენების პირობები