აშშ-ის პრეზიდენტმა დონალდ ტრამპმა არა მხოლოდ უბრალოდ უნდა დაასრულოს ომი უკრაინაში, მან ისე უნდა გააკეთოს, რომ პუტინს არ ჰქონდეს განმეორებით თავდასხმის კიდევ ერთი შანსი, ეს მთელი დასავლეთის ინტერესებშია. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
მისივე თქმით, ეს ნიშნავს, რომ უკრაინას სჭირდება უსაფრთხოების გარანტიები, წინააღმდეგ შემთხვევაში გაყინული კონფლიქტი გამოიწვევს პუტინის დაბრუნებას თავისი აგრესიით და არ გაჩერდება, დასავლეთი კი წააგებს.
„ეს იქნება აბსოლუტურად ყველას მარცხი... ეს ძალიან მნიშვნელოვანია ჩვენთვის და ტრამპისთვის: მას სჭირდება არა მხოლოდ ომის დასრულება. ის უნდა დარწმუნდეს, რომ პუტინს არ აქვს შანსი დაბრუნდეს ჩვენს წინააღმდეგ ომით. ვფიქრობ, ეს არის ყველაზე მნიშვნელოვანი. და ეს ყველამ უნდა აღიაროს, ეს იქნება გამარჯვება.
და ეს არის ის, რაზეც ჩვენ ყველამ უნდა ვიმუშაოთ, რადგან პუტინს არ სურს ომის დასრულება”,- თქვა ზელენსკიმ.
შეკითხვაზე ტრამპის მხრიდან შესაძლო მიუღებელი შეთანხმების შეთავაზებასთან დაკავშირებით, ზელენსკიმ აღნიშნა, რომ უკრაინა ვერ იქნება კონფრონტაციაში შეერთებულ შტატებთან.
„ეს არ არის მომგებიანი ჩვენთვის, ქვეყნისთვის, რომელიც ომშია და არ არის მომგებიანი ტრამპისთვის, რომელიც არის ძლიერი ამერიკის პრეზიდენტი; პუტინის გამარჯვება მისთვის არ არის მომგებიანი. თუ უკრაინისა და ამერიკის პოზიციებს შორის დაპირისპირება მოხდა, ამაზე ფიქრიც არ მინდა, ამით მხოლოდ პუტინი ისარგებლებს.
პუტინის გამარჯვება დასავლური სამყაროს მარცხია, ევროპოსაც და ამერიკოსაც, ის [პუტინი]არასოდეს გაჩერდება."
ზელენსკის თქმით, თუ პუტინს ვერრ გააჩერებენ, ის წავა ლიეტუვის, ლატვიის, ესტონეთის, პოლონეთის წინააღმდეგ.
„უნგრეთმაც კი, რომელიც ბალანსირებს უკრაინასა და რუსეთს შორის, ბოლომდე არ იცის, სად წავა პუტინი შემდეგ... ის უფრო შორს წავა, ეს არის მისი მიზანი - დააბრუნოს საბჭოთა კავშირი, რუსეთის იმპერიის გავლენა მსოფლიოში, დააბრუნოს ის დრო“, - განაცხადა ზელენსკიმ.
ზელენსკიმ დასძინა, რომ უკრაინის მიერ მომზადებული „გამარჯვების გეგმა“ არის ფუნდამენტური დოკუმენტი, რომელიც შეიძლება გახდეს ტრამპის გეგმის საფუძველი.
„გამარჯვების გეგმა“ ასახავს რა არის სამართლიანი მშვიდობა უკრაინისთვის, საერთაშორისო სამართლის საფუძველზე. და რა თქმა უნდა, ნებისმიერ გეგმას, თუ მას მოაქვს სამართლიანი მშვიდობის საფუძვლის 10%, 20%, 30%, ეს ნორმალური წინგადადგმული ნაბიჯებია. მაგრამ დარწმუნებული ვარ, რომ ჩვენ ვერ ვილაპარაკებთ სამართლიან მშვიოდბაზე, ვიდრე ბოროტება არ დაისჯება“, - განაცხადა ზელენსკიმ.
