ვაჭრობის მსოფლიო ორგანიზაციის ხელმძღვანელმა პასკალ ლამიმ სასურსათო პროდუქტებზე ფასების ზრდის მთავარ მიზეზად მარცვლეულის ექსპორტის შეზღუდვა დაასახელა.
ლამი აცხადებს, რომ ფასების ზრდა რუსეთისა და უკრაინის მიერ დაწესებულ შეზღუდვებსაც უკავშირდება, რაც გამოწვეული იყო 2010 წლის ზაფხულში გვალვის შედეგად დაბალი მოსავლიანობით. ვმო-ს ხელმძღვანელი მიიჩნევს, რომ მარცვლეულის ექსპორტიორმა ქვეყნებმა საკუთარი მოსავლიანობა უნდა გაზარდონ.
"ექსპორტის შეზღუდვამ ბაზარზე პანიკა გამოიწვია"- განაცხადა ლამმა.
შეგახსენებთ, რომ ინდექსი Standard & Poor's GSCI ბოლო 12 თვის განმავლობაში 43 %-ით გაიზარდა. ემბარგოს გარდა ფასების ზრდაზე გავლენა იქონია კანადაში, ჩინეთსა და ავსტრალიაში მომხდარმა წყალდიდობებმა.