აშშ-ის პრეზიდენტის დონალდ ტრამპის განცხადებით, მისი განკარგულებით საიდუმლო სადაზვერვო ინფორმაციაზე წვდომა შეეზღუდება აშშ-ის 46-ე პრეზიდენტ ჯო ბაიდენს.
ტრამპის თქმით, "არ არის საჭირო, ჯო ბაიდენს ჰქონდეს საიდუმლო ინფორმაციაზე წვდომა".
"შესაბამისად, ჩვენ დაუყოვნებლივ ვაუქმებთ ჯო ბაიდენის წვდომას და ვწყვეტთ მისთვის ყოველდღიურ სადაზვერვო ბრიფინგებს", - წერს იგი სოციალურ ქსელში.
ტრამპის თქმით, ბაიდენმა შექმნა ეს პრეცენდენტი 2021 წელს, როცა მან აშშ-ის სადაზვერვო სააგენტოებს უბრძანა, შეეჩერებინათ დონალდ ტრამპისთვის საიდუმლო ინფორმაციისთვის წვდომა.
"რობერტ ჰურის ანგარიშმა აჩვენა, რომ ბაიდენს "ცუდი მეხსიერება" აწუხებს და "საუკეთესო მდგომარეობაში" ყოფნის დროსაც კი მისთვის სენსიტიური ინფორმაციის ნდობა არ შეიძლება. ჯო, შენ გათავისუფლებული ხარ", - წერს ტრამპი.
