ცივილიზებულ სამყაროში ივანიშვილის რუსული რეჟიმის არაღიარება შეუქცევადი პროცესია, - ამის შესახებ "ძლიერი საქართველოს" ერთ-ერთმა ლიდერმა ანა ნაცვლიშვილმა განაცხადა.
მისი თქმით, "ქართული კოშმარის არაღიარების აქტი" აშშ-თვის პრიორიტეტულია
„მთელი ცივილიზებული სამყარო ხედავს, რომ ქართველი ხალხი იბრძვის იმისთვის, რომ ამ ქვეყნის მომავალს წყვეტდნენ საქართველოს მოქალაქეები და არა რუსი ოლიგარქი. ამის გამოხატულებაა არაღიარების აქტი. არ არის სტანდარტული ის, რომ ორპარტიული მხარდაჭერა აქვს ხოლმე კონგრესში ამა თუ იმ საკანონმდებლო ინიციატივას, მაგრამ ეს ინიციატივა არის იმდენად მნიშვნელოვანი პრიორიტეტი ამერიკის საგარეო პოლიტიკისთვის, რომ ჩვენ ვხედავთ, რომ ორივე პარტიის მხრიდანა აქვს მას მხარდაჭერა, რაც მიუთითებს თავისთავად იმაზე, რომ ძალიან სწრაფად წავა ეს პროცესები და ივანიშვილის რუსული რეჟიმის არაღიარება უკვე იქნება შეუქცევადი საკითხი ცივილიზებული სამყაროსთვის, - თქვა ანა ნაცვლიშვილმა.
