ადვოკატ ვალერი თევდორაძის ინფორმაციით, ჟურნალისტი და აქტივისტი მირიან ბერულავა სამტრედიაში, დროებითი მოთავსების იზოლატორში გადაიყვანეს.
როგორც ადვოკატი წერს, პოლიციის თანამშრომლებმა შეურაცხყოფად მიიჩნიეს მირიანის ნათქვამი ფრაზა: "არ ვენდობი სისტემას".
"ეს ჩათვალეს შეურაცხყოფად და შესაბამისად შეადგინეს ოქმი ადმინისტრაციულ სამართალდარღვევათა კოდექსის 173-ე მუხლის პირველი ნაწილის შესაბამისად და დააკავეს ადმინისტრაციულად" აღნიშნა ადვოკატმა.
რამდენიმე საათის წინ სოციალურ ქსელში ბერულავა წერდა - "მეც მომადგნენ გამოკითხვაზე, უნდა გადაგიყვანოთო".
