საქართველოს რეგიონალური განვითარებისა და ინფრასტრუქტურის მინისტრმა რამაზ ნიკოლეიშვილმა ამერიკის შეერთებულ შტატებში ინფრასტრუქტურის ლიდერთა გლობალური ფორუმზე მოხსენება წაიკითხა.
ქართველმა მინისტრმა თავის გამოსვლის დროს უცხოელ კოლეგებს საქართველოში განხორციელებული და მიმდინარე ინფრასტრუქტურული პროექტების შესახებ ინფორმაცია მიაწოდა. ასევე საუბარი შეეხო ქვეყნის ეკონომიკაში ჩადებულ უცხოურ ინვესტიციებს.
ფორუმს გაეროში საქართველოს მუდმივი წარმომადგენელი ალექსანდრე ლომაიაც ესწრებოდა, რომლის შეფასებითაც, ქართული ეკონომიკური შესაძლებლობის წარმოჩენა ემსახურება ქვეყანაში ახალი ინვესტიციების მოზიდვას.
