"ელიტ ელექტრონიქსმა" "დიდი სეზონური ფასდაკლების აქცია"-ში 2010 წლის მოდელები წარმოადგინა. კომპანიის გაყიდვების მენეჯერის ია ნადირაშვილის განცხადებით ახალ აქციაში ჩადებულია SANIO-ს ყველა მაცივარი, რომელთა ფასიც 315 ლარიდან იწყება. SONY-ის, TOSHIBA-სა და SHARP-ის ტელევიზორების შეძენის შემთხვევაში კი მომხმარებლებს 100-დან 500 ლარამდე დანაზოგის გაკეთება შეეძლებათ. საშუალოდ 20%-მდე ფასდაკლება ვრცელდება ნებისმიერი ბრენდის ნებისმიერი მოდელის გაზქურებზეც. აქციაში წარმოდგენილია BOSCH-სა და GORENJE-ს სარეცხი და ჭურჭლის სარეცხი მანქანის კონკრეტული მოდელებიც.
- "2010 წლის მოდელების ამოყიდვის" აქცია თვის ბოლომდე გაგრძელდება და მას სამზარეულოს წვრილი ტექნიკა და პირადი მოხმარების საგნებიც დაემატება. აღნიშნული აქციის პარალელურად, ქსელში სხვადასხვა ფასდაკლებებიც მიმდინარეობს. დღეიდან აქცია DELL-ისა და ACER-ის ლეპტოპებზეც დავიწყეთ. აქციის განმავლობაში ნოუთბუქის ფასები 569 ლარიდან დაიწყება" - აცხადებს ია ნადირაშვილი.
მისივე ინფორმაციით, კომპანიის ერთერთი ძირითადი სტრატეგიული მიზანია ბაზარზე ახალი ტექნოლოგიების შემოტანა. ნადირაშვილის განცხადებით, 2011 წელს "ელიტ ელექტრონიქსი" მომხმარებლებს მსოფლიოს წამყვანი ბრენდების ტექნიკის უახლეს მიღწევებს შესთავაზებს.
გარდა ამისა კომპანია ქსელის გაფართოვებაზეც იზრუნებს და წლის განმავლობაში 10 ახალ მაღაზიას გახსნის, აქედან 3 თებერვალში გაიხსნება: ერთი თბილისში სავაჭრო ცენტრ "მეგალაინში", ხოლო ორიც რეგიონში: ახალციხესა და ზესტაფონში განთავსდება.
2011 წელს "ელიტ ელექტრონიქსი" IT ტექნიკაში დიდი ინვესტირებასა და ამ მიმართულებით ბაზრის წილის მნიშვნელოვნად გაზრდას გეგმავს. კომპიუტერული ტექნიკის ყველაზე ფართო ასორტიმენტის წარმოდგენასთან ერთად მომხმარებლებს საქართველოს ბაზრისთვის ინოვაციურ სერვისებსაც შესთავაზებს.
მასალის გამოყენების პირობები