"პეპსის" მწარმოებელმა კომპანია "იბერია რეფრეშმენტსიმ" დუშეთში მინერალური წლის შესწავლა-მოპოვების ორი ლიცენზიის მფლობელი გახდა. ეკონომიკისა და მდგრადი განვითარების სამინისტროს ინფორმაცით, "იბერია რეფრეშმენტსიმ" დუშეთში, სოფ. მაქართას მიმდებარე ტერიტორიაზე "მაქართას" მინერალური წყლის შესწავლა-მოპოვების ლიცენზია და სოფ. ბახანის მიმდებარე ტერიტორიაზე "ბახას" მიწისქვეშა მტკნარი წყლის შესწავლა-მოპოვების ლიცენზიები შეიძინა. თოთოეულ ლიცენზიაში კომპანიამ 11 ათასი ლარი გადაიხადა და ორივე ლიცენზიის მოქმედების ვადა 25 წლითაა განსაზღვრული.
თუ რა მიმართულებით გამოიყენებს კომპანია აღნიშნულ ლიცენზიას, შევა თუ არა მტკნარი წყლის ბაზარზე, ან თუ მოპოვებულ წყალს საკუთარ წარმოებაში გამოიყნებს, ამ თემაზე "იბერია რეფრეშმენტსიში" კომენტარს არ აკეთებენ.
შეგახსენებთ, რომ "იბერია რეფრეშმენტის" აქციონერები არიან: „ელსუ", ახმედ აბდულა ალ შაფარი, „იბერია ჯგუფი" და ქართველი ფიზიკური პირები.
კომპანია ამჟამად აწარმოებს "პეპსის," "პეპსი მაქსს," "პეპსი ლაითს," "მირინდას," "სევენ აპს," "მაუნტინ დიუს". ასევე სს „იბერია რეფრეშემნტსი" არის Pეპსიჩო-ს სხვა ბრენდების ოფიციალური დისტრიბუტორი: "ლიპტონი" (ცივი ჩაი), "ია" (წვენი) და "ფრუქტოვი სად" (წვენი).
"იბერია რეფრეშმენტსი" საქართველოში 9 სახეობის უალკოჰოლო სასმელს უშვებს და ადგილობრივი ბაზრის გარდა პროდუქციის რეალიზაციას ექსკლუზიური წარმომადგენლის უფლებით სომხეთშიც ახორციელებს.