ხვალ, 21 იანვარს ეკონომიკისა და მდგრადი განვითარების სამინისტრო "თბილისის გინეკოლოგიურ კლინიკის" მფლობელს გამოავლენს.
სამინისტროს ინფორმაციით, იყიდება შპს "თბილისის გინეკოლოგიური კლინიკის" სახელმწიფო საკუთრებაში არსებული 100%-იანი წილი, რომლის საწყისი ღირებულებაც 350 ათასი ლარია.
დღეისათვის "თბილისის გინეკოლოგიური კლინიკის" საწესდებო კაპიტალი 234379.00 ლარს შეადგენს. კლინიკას 22932.00 ლარის დებიტორული და 29614.00 ლარის კრედიტორული დავალიანება გააჩნია.
აუქციონის პირობების თანახმად, აუქცონში გამარჯვებულმა საპრივატიზებო თანხა, საჯარო აუქციონის ჩატარებიდან 30 კალენდარული დღის ვადაში, უნდა გადაიხადოს. იმავდროულად კლინიკის ახალი მფლობელი ვალდებულია ობიექტის პროფილი 7 წლის განმავლობაში არ შეცვალოს.
