ჩემთვის ეს უკვე ომია, ვუყურებ როგორ უღმერთოდ ექცევიან პოლიციელები ახალგაზრდებს, სულ მგონია პირბადე რომ მოიხსნან შეიძლება ბევრი მომიტინგე და პოლიციელი ნათესავებიც აღმოვჩნდეთ, - ამის შესახებ ბოტანიკოსი ზურა შევარდნაძე სოციალურ ქსელში წერს.
“ჩემთვის ეს უკვე ომია..
პირველად ვარ წინასაახალწლოდ ისეთ მდგომარეობაში რომ არ მაქვს სამზადისი, რათქმაუნდა არც არაფრის თავი და განწყობა..
ვუყურებ როგორ უღმერთოდ ექცევიან პოლიციელები ახალგაზრდებს, როგორ უსწორდებიან და ვფიქრობ ისინიც ხომ ქართველები არიან, ასე როგორ შუძლიათ? სულ მგონია პირბადე რომ მოიხსნან შეიძლება ბევრი მომიტინგე და პოლიციელი ნათესავებიც აღმოვჩნდეთ,ჩვენ ხომ ძალიან ცოტანი ვართ.
ასე გაშმაგებით, უსიყვარულოდ დავრევივართ ერთმანეთს და ამ უბედურებას ვაყურებინებთ ჩვენს მტერს რომლებიც ხარობს.
ამაზე დიდი ომი რაღა უნდა იყოს? ეს ჩემთვის ომია და ომზე მეტიც.
მტკივა, მტკივა უსაშველოდ მტკივა!“ - წერს ზურა შევარდნაძე.
