ვაგრძელებთ მუშაობას, რომ სანქციები დაწესდეს ფუნდამენტური უფლებების იმ მძიმე დარღვევებისთვის, დემოკრატიის ავტორიტარიზმით ჩანაცვლებისთვის, რომელსაც ოლიგარქიული რეჟიმი ახორციელებს“, – ამის შესახებ პარტია „გახარია საქართველოსთვის“ წევრმა, თეონა აქუბარდიამ ბრიფინგზე განაცხადა.
მისი თქმით, მიმდინარეობს მძიმე პროცესები, რომელიც ოლიგარქმა ქვეყანაში თავისი ავტორიტარული მმართველობით შექმნა.
„მათ შორის, დასავლეთისგან იზოლაციის კუთხით, რამდენად გაზარდა ქვეყნისთვის გაცხადებული ინტერესების კუთხით საფრთხეები. გუშინ ყველამ ვიხილეთ დასავლელი მეგობრების განცხადებები, მათ შორის, დიდი ბრიტანეთის, რომელმაც ყველა პროგრამა ბოლომდე გააჩერა, რომელიც იყო, მათ შორის, თავდაცვის სფეროში საქართველოსთან. თქვენ ნახეთ ევროკავშირის ელჩის პოზიცია, მისი მწვავე შეფასებები და სანქციები, რომელიც იქნება დამიზნებული პირდაპირ ავტორიტარულ რეჟიმზე. ასევე, ხედავთ იმ მნიშვნელოვან მხარდაჭერას, რომელიც დასავლეთისგან ქართველ ხალხს აქვს ქვეყნის დემოკრატიის და ევროპული მომავლის დაცვის გზაზე, მათ შორის, ძალადობის დაგმობა და მოთხოვნა უკანონო პოლიტიკური პატიმრების გათავისუფლების, რომელიც შეერთებული შტატების საელჩომ გააჟღერა. ეს არის მნიშვნელოვანი გზავნილი კიდევ ერთხელ ავტორიტარული ოლიგარქიული რეჟიმის წინააღმდეგ“, – განაცხადა თეონა აქუბარდიამ.
მისი თქმით, ოპოზიცია აგრძელებს მუშაობას, რომ სანქციები იყოს დაწესებული იმ მძიმე დარღვევებისთვის, დემოკრატიის ავტორიტარიზმით ჩანაცვლებისთვის, რომელსაც ოლიგარქიული რეჟიმი ახორციელებს.
