მიშა ყაველაშვილი არის ეროვნული ადამიანი, პატრიოტი და უკვე ძალიან კარგი მცოდნე პოლიტიკისა , - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.
„მიშა ყაველაშვილი არის ეროვნული ადამიანი, პატრიოტი და ძალიან კარგი მცოდნე უკვე პოლიტიკისა, ძალიან კარგი მცოდნე იმ საკითხებისა, რაც ეროვნულ გამოწვევებთან დაკავშირებით შეიძლება იყოს ამ ქვეყანაში და ბოლო წლების განმავლობაში ის დრომაც, საქციელმაც, ქმედებამაც და ყველაფერმა გამოსცადა და მე მგონია, რომ შესაბამისი კომპეტენციიდან გამომდინარე, მისი მოქმედება ეროვნულ ინტერესებს მაქსიმალურად მორგებული იქნება, ყველა ასე თვლის ჩვენს გუნდში [...]
ის შეიძლება იყოს ერთ-ერთი ყველაზე სანდო ადამიანი ქვეყნის ინტერესების გატარებაში“, - განაცხადა მამუკა მდინარაძემ „ქართული ოცნების“ პრეზიდენტობის კანდიდატზე, მიხეილ ყაველაშვილზე საუბრისას.
„ქართულმა ოცნებამ“ საპრეზიდენტო კანდიდატად მიხეილ ყაველაშვილი 27 ნოემბერს დაასახელა. „ოცნებამ“ საპრეზიდენტო არჩევნები 14 დეკემბერს, ინაუგურაცია კი 29 დეკემბერს დანიშნა.
