შემაძრწუნებელია, რომ არავინ, მათ შორის არც ის დამნაშავეთა ბანდები, რომლებიც ქალაქის ქუჩებში დარბოდნენ ორი დღის წინ, არ არიან დაკავებული, - ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.
„ჩემი გზავნილი ადამიანებისთვის, რომლებიც დგანან თბილისისა და საქართველოს სხვა ქალაქების ქუჩებში არის ის, რომ არ დაკარგონ იმედი. მათი ხმა ჩვენ გვესმის. შოკისმომგვრელია ამდენი ძალადობა და სისასტიკე, რომელსაც მათ მიმართ ვხედავთ. ამ დილით მე შევხვდი ადამიანის უფლებათა დამცველებს. ისინი აღწერდნენ გამაოგნებელ სცენებს, როდესაც ადამიანებზე ძალადობენ მას შემდეგ, რაც მათ დააპატიმრებენ. ეს არის წამება და ეს საქმეები უნდა იქნას გამოძიებული და ყველა დამნაშავე უნდა იქნას პასუხისგებაში მიცემული. შემაძრწუნებელია, რომ არავინ, მათ შორის არც ის დამნაშავეთა ბანდები, რომლებიც ქალაქის ქუჩებში დარბოდნენ ორი დღის წინ, არ არიან დაკავებული“, - განაცხადა ჰერჩინსკიმ.
