შეერთებული შტატების კონგრესში საქართველოში მიმდინარე მოვლენებს ეხმაურებიან. როგორც დემოკრატი, ისე რესპუბლიკელი კანონმდებლების უმეტესობა, გმობს საქართველოში მშვიდობიანი დემონსტრაციების ძალისმიერ დაშლას და საქართველოში კერძო პირების მიმართ სანქციების დაწესებას ემხრობა.
„ამერიკის ხმა“ ესაუბრა დემოკრატ სენატორს ბენ კარდინს. მისი განცხადებით, მალე ხნობილი გახდება ზომები, რომელსაც აშშ მიიღებს.
„ვფიქრობ, თქვენ იხილავთ შეერთებული შტატებისგან ზომებს მათ წინააღმდეგ, ვინც საქართველოში ამ ძალადობას ჩადის. ხალხის ნება არ სრულდება, ამას რეაგირება ყველგან უნდა მოჰყვეს“,- აცხადებს შეერთებული შტატების დემოკრატი სენატორი მერილენდის შტატიდან და სენატის საგარეო საქმეთა კომიტეტის თავმჯდომარე ბენ კარდინი.
