ამ ადამიანს ბედი ჰქონია, რომ გადაურჩა სიკვდილს, - ამის შესახებ ექიმი ზაზა თელია „ფორმულას“ ჟურნალისტ გურამ როგავაზე წერს.
„ამ ადამიანს ბედი ჰქონია, რომ გადაურჩა სიკვდილს, ეს იგივეა ვინმემ იარაღი გესროლოს თავში და გაგიმართლოს და გადარჩე... არა, უარესია, რაც ვიდეოში ჩანს, რადგან ვიდეოში კარგად ჩანს, რომ ტრავმა ამ ადამიანს არააფექტურ მდგომარეობაში მიაყენეს
ანუ ის პირუტყვი ნაძირალა, რომელიც ზურგიდან თავში ურტყამს ამ კაცს კრიტიკულად მნიშვნელოვანია, რომ იქნას იდენტიფიცირებული და უმკაცრესად დასჯილი. ან ოჯახი არ ჰყავს, ან შვილები არ ჰყავს ამ პირუტყვს.
რაღა დარჩა ზღვარი - „ცხოველების ფერმაში“ ვართ“ — წერს ექიმი ზაზა თელია.
გურამ როგავას 29 ნოემბერს საპროტესტო აქციაზე პროფესიული მოვალეობის შესრულებისას სამართალდამცველი თავს დაესხა და თავის არეში მძიმე დაზიანება მიაყენა.
