საქართველოს საგარეო საქმეთა მინისტრი გრიგოლ ვაშაძე, ბაქოში ვიზიტის ფარგლებში, აზერბაიჯანის პრეზიდენტს ილჰამ ალიევს შეხვდა.
ოფიციალური ინფორმაციით, შეხვედრაზე მხარეებმა ორმხრივი ურთიერთობების ფართო სპექტრი განიხილეს, მათ შორის პოლიტიკური და ეკონომიკური საკითხები.
"საუბარი ასევე შეეხო საერთაშორისო ორგანიზაციების ფარგლებში საქართველოსა და აზერბაიჯანის რესპუბლიკის თანამშრომლობის აქტუალურ თემებს", - განუცხადა ვაშაძემ ჟურნალისტებს.
აღსანიშნავია, რომ საქართველოს მთავარი დიპლომატი დღეს, 19 იანვარს, აზერბაიჯანელ კოლეგას ელმარ მამედიაროვსა და ტრანსპორტის მინისტრს ზია მამედოვს შეხვდება.
საქართველოს საგარეო საქმეთა მინისტრი აზერბაიჯანის რესპუბლიკას 17 იანვარს ეწვია. ის ვიზიტს დღეს დაასრულებს.
