"ტურიზმის საინფორმაციო-სარეკლამო სისტემის შექმნისათვის" აჭარის ტურიზმის დეპარტამენტი 1 მლნ. 229 ათას 900 ლარს დახარჯავს.
დეპარტამენტის თავმჯდომარის ბაჩუკი ჩხეიძის განმარტებით, აღნიშნული ასიგნებიდან პირველი ეტაპის ღონისძიებების განსახორციელებლად დღეს გამრთულ აჭარის მთავრობის სხდომაზე 494 400 ლარის მიზნობრივი პროგრამა დამტკიცდა.
ჩხეიძე ამბობს, რომ ამ დროისათვის "ტურიზმის საინფორმაციო-სარეკლამო სისტემის შექმნის" მიზნობრივი პროგრამის იმ პრიორიტეტების განსაზღვრა ხდება, რომელმაც ხელი უნდა შეუწყოს აჭარის რეგიონის, როგორც ტურისტული დანიშნულების ადგილის პოპულარიზაციას, რეგიონის ქვეყნებში ცნობადობის ზრდას, არასაზაფხულო სეზონზე ტურისტების ნაკადის ზრდას. პროგრამის მიხედვით გათვალისწინებულია უცხოური ტურისტული სააგენტოების ტურისტულ პროდუქტში აჭარის მიმართულების გაჩენა შემდეგი მეთოდებით: 2011 წელს დაფინანსდება საერთაშორისო ტურისტულ გამოფენებსა და კონფერენციებში მონაწილეობა.
"2011 წლის განმავლობაში გაგრძელდება ასევე ვებ-გვერდისა და IT მენეჯერის დაქირავება ინტერნეტ მარკეტინგისა და დეპარტამენტის ელექტრონული ქსელის სრულყოფის მიზნით, ასევე მოხდება ინტერნეტის მეშვეობით რეკლამირების შესაძლებლობების გამოყენება, კერძოდ პოპულარულ პორტალებზე აჭარის რეკლამის განთავსება, აჭარის ტურისტული საიტის პოპულარობისა და ვიზიტორთა რაოდენობის ზრდის მიზნით პროგრამის ფარგლებში ორგანიზებული სახე მიეცემა ბათუმის აეროპორტში ტურისტთა დახვედრის უკვე ტრადიციად ქცეულ ღონისძიებას, ეროვნულ ტანსაცმელში ჩაცმული ბავშვების მიერ, ტკბილეულით და სხვა სიურპრიზებით'- აცხადებს ბაჩუკი ჩხეიძე.
აჭარის ტურიზმის დეპარტამენტის თავმჯდომარის განმარტებითვე, თებერვლიდან აჭარაში დასვენების შესახებ, თურქეთში სატელევიზიო და საგაზეთო რეკლამების განთავსება. მისივე თქმით, დაგეგმილია სარეკლამო ტურების დაფინანსება რეგიონის ქვეყნებიდან - აზერბაიჯანი, თურქეთი, ირანი, სომხეთი, ისრაელი უკრაინა და სხვა.