არაბეთში გახსნილ საერთაშორისო ენერგეტიკულ სამიტზე სიტყვით გამოსვლისას საქართველოს პრემიერ-მინისტრმა ნიკა გილაურმა ენერგეტიკის სფეროში ინვესტიციების მოზიდვასა და საქართველოს ჰიდროენერგეტიკულ პოტენციალზე გაამახვილა ყურადღება.
სამიტის პარალელურად, ნიკოლოზ გილაურმა რამდენიმე შეხვედრაც გამართა. კერძოდ, იგი თავის არაბ კოლეგას შეხვდა. საუბარი ორ ქვეყანას შორის სავიზო რეჟიმის გამარტივებასა და პირდაპირ ავია-რეისებს შეეხო.
"აქცენტი გავაკეთეთ საქართველოს ჰიდროპოტენციალზე. ჩვენ დღეს ელექტროენერგიის ექსპორტს ვაკეთებთ ყველა მეზობელ ქვეყანაში_რუსეთში, თურქეთში, აზერბაიჯანში, სომხეთში. რა თქმა უნდა, არსებობს უზარმაზარი პოტენციალი, რომ არაბული ქვეყნებიდან კიდევ უფრო მეტი ინვესტიციები იქნას მოზიდული, ჩადებულ იქნას საქართველოს ელექტროენერგაში და შემდეგ ელექტროენერგია გატანილ იქნას ექსპორტად," _ აღნიშნა გილაურმა.
შეგახსენებთ, ქართული დელეგაცია გაერთიანებულ საემიროებში ოფიციალური ვიზიტით იმყოფება.