ე. წ. სამხრეთ ოსეთის დედაქალაქი 2011 წლისთვის უნდა კეთილმოეწყოს. ეს განცხადება ოს სეპარატისტთა ლიდერმა ედუარდ კოკოითიმ დღეს გამართულ თათბირზე გააკეთა.
მისი თქმით, ცხინვალის კეთილმოწყობის სამუშაოს გასახორციელებლად იგეგმება რუსული კომპანიის მოზიდვა, რომელიც ლანდშაფტისა და დიზაინის პროფილით მუშაობს. კოკოითი აცხადებს, რომ ამ კომპანიასთან მალე შესაბამისი ხელშეკრულება გაფორმდება.
მისი თქმით, სამი-ოთხი თვის განმავლობაში უნდა დასრულდეს ყველა სამუშაო, რომლებიც კომუნიკაციების მოწესრიგებას ეხება და ცხინვალის მოასფალტება უნდა დაიწყოს.
"მიმდინარე წელს ჩვენი ქალაქი მთლიანად უნდა კეთილმოვაწყოთ და მისი მოასფალტება უნდა მოვახდინოთ. ცხინვალის ყველა ქუჩაზე ასფალტი, ხოლო ტროტუარებზე ფილები უნდა დაეგოს. არის ადგილობრივი საწარმოები, რომლებიც ფილებს ამზადებენ, რომლებიც უფრო ლამაზიცაა და ასფალტზე მეტხანს ძლებს. მათთან ვიმუშავებთ და სწორედ ამ ფილებს გამოვიყენებთ ცხინვალის ცენტრალური მოედნის კეთილმოსაწყობად", _ განაცხადა კოკოითიმ.
