ინდური კომპანია "მანსაროვა" ოზურგეთის მანქანათმშენებელი საწარმოს რეაბილიტაციას რამოდენიმე თვეში დაასრულებს.
საწარმო სრული დატვირთვით წლის მეორე ნახევრიდან ამოქმედდება.
ინვესტორს საწარმოს სრული რეაბილიტაცია დაახლოებით 1 მლნ. დოლარი უჯდება.
ინვესტორი მუშაობას სამი მიმართულებით გეგმავს. ესენია: მექანიკური საწარმოს მშენებლობა, პოლიეთილენის საამქროების მშენებლობა და ჩაის გადამამუშავებელი დანადგარების წარმოება.
რეაბილიტაციის პროცესთან ერთად, საწარმოს მუშაობა არ შეუწყვეტია. მენეჯმენტის ინფორმაციით, 2010 წელს საწარმომ 34 ათას 200 ლარის ჩაის გადამუშავებისათვის საჭირო დანადგარები გამოუშვა, რომელიც მთლიანად ადგილობრივ ბაზარზე გაყიდა.
საწარმოს სრული ამოქმედების შემდეგ ოზურგეთის მანქანათმშენებელი საწარმოს მიერ გამოშვებული პროდუქცია უცხოეთის ბაზრებზეც გაიყიდება.