ქართული ჩაის მწარმოებლებს საშუალება აქვთ, ყაზახეთში დაგეგმილ პირველ საერთაშორისო გამოფენა _ "ჩაი, ყავა, კაკაო 2011"-ში მიიღონ მონაწილეობა.
ქართულმა მხარემ ყაზახეთიდან ოფიციალური მიწვევა უკვე მიიღო.
როგორც სოფლის მეურნეობის სამინისტროში განმარტავენ, ამ დროსათვის არც ერთ ჩაის მწარმოებელ კომპანიას აღნიშნულ გამოფენაში მონაწილეობის სურვილი ოფიციალურად, ამ დრომდე, არ დაუფიქსირებია.
ასტანაში დაგეგმილი გამოფენის ორგანიზატორია ყაზახეთის სავაჭრო-სამრეწველო პალატა და " ჩჩI Eხპო".
გამოფენა ასტანაში "ნოვრუზ ბაირამის" დღესასწაულამდე, მარტის დასაწყისში უნდა გაიმართოს.
ყაზახური მედიის ინფორმაციით, "ჩაი, ყავა, კაკაო 2011" - ეს იქნება სპეციალიზირებული გამოფენა, რომელიც თავს მოუყრის ჩაის, ყავის, კაკაოს, ყავის წარმოების მოწყობილობების, კონდიტერული ნაწარმის, ნატურალური კომპონენტებიდან შექმნილი კოსმეტიკის მწარმოებლებს.
ყაზახური საინფორმაციო სააგენტოების ინფორმაციით, გამოფენაში მონაწილეობას მიიღებენ საქართველო, ყაზახეთი, აზერბაიჯანი, ბრაზილია, ვიეტნამი, გვატემალა, ინდოეთი, ინდონეზია, კენია, კოლუმბია, ჩინეთი, ლაოსი, მექსიკა, რუსეთი, თურქეთი და შრი-ლანკა.
