სადაზღვევო კომპანიების და ჰოსპიტალური სექტორის წარმომადგენლებს შორის დავების მოგვარება მედიაციის სამსახურმა დაიწყო. სახელმწიფო პროგრამებით დაზღვეულთა უფლებების დაცვასთან ერთად ეს მიმართულება მედიაციის სამსახურისთვის ერთ-ერთი მთავარი სეგმენტი ხდება.
მედიაციის სამსახურის ხელმძღვანელის არჩილ ცერცვაძის განცხადებით, ამ ეტაპისთვის უკვე მიმდინარეობს სადაზღვევო კომპანიებს და კლინიკებს შორის წარმოშობილი პრობლემების განხილვა. ცერცვაძე მოდავე მხარეებს არ აკონკრეტებს, თუმცა განმარტავს, რომ დავები ეხება საკონტრაქტო ურთიერთობებს და ფინანსურ საკითხებს.
ინფორმაციისთვის: სახელმწიფო სტრუქტურამ ასეთი სახის დავების მოგვარება პირველად დაიწყო.