უფლებადამცველ დაჩი ცაგურიას აზრით, კომპაქტური დასახლებებიდან დევნილებს საბჭოთა და ფაშისტური მეთოდებით ასახლებენ.
როგორც "ჯი-ეიჩ-ენს" ცაგურიამ განუცხადა, ამ ადამიანების მიმართ სოლიდარობა არა მარტო დევნილებმა, არამედ თბილისის მოსახლეობამაც უნდა გამოხატოს.
"უკვე 20 წელია ე.წ. ძველი დევნილები ადაპტირებულნი არიან თბილისის ყოფასთან. სახელმწიფომ ჯერ რეგიონალური პოლიტიკა განავითაროს. ამის შემდეგ ეს ადამიანები თავად დატოვებენ დედაქალაქს და გადასახლდებიან რეგიონში,"_აცხადებს დაჩი ცაგურია.
მისი თქმით, ხელისუფლება სოფლის მეურბნეობის განვითარების ნაცვლად დევნილთა აყრაზე არ უნდა ფიქრობდეს.
შეგახსენებთ, კომპაქტურ დასახლებებში მცხოვრებ 4 ათას დევნილს ხელისუფლება 20 იანვრისთვის გასახლებას უპირებს.
