მწვანეთა პარტიის ლიდერი გიორგი გაჩეჩილაძე მიიჩნევს, რომ დევნილების გასახლება მიზანმიმართულად ხდება. ამის შესახებ გაჩეჩილაძემ "ჯი-ეიჩ-ენთან" საუბრისას აღნიშნა.
მისი თქმით, ხელისუფლება დევნილების ფოცხო-ეწერსა და მსგავს ადგილებში ჩასახლებას მათი საქართველოდან გასახლების მიზნით აპირებს.
"დევნილების კომპაქტური ჩასახლებებიდან აყრა და საქართველოს იმ ტერიტორიებზე გახიზვნა, სადაც მათ საარსებო საშუალება არ ექნებათ, მხოლოდ ერთადერთ მიზანს ემსახურება, რათა ისინი აიყარონ, სადღაც წავიდნენ და საბოლოოდ დატოვონ საქართველო,"_აღნიშნა გაჩეჩილაძემ. A
მისი თქმით, ბოლო კვლევების თანახმად, სწორედ ამ და სხვა მიზეზთა გამო საქართველო არშემდგარ სახელმწიფოთა ნუსხაში შეიტანეს და რუსეთთან ერთად, მოძალადე ქვეყანათა შორის დაასახელეს.
"ესაა მჩაგვრელი სახელმწიფო, სადაც არა მხოლოდ ადამიანებს, არამედ საქართველოს ბუნებასაც მოუწყვეს გენოციდი",_მიიჩნევს გიორგი გაჩეჩილაძე.
