ეკონომიკური ზრდისა და კორუფციასთან ბრძოლის თვალსაზრისით, საქართველომ რეგიონში მოწინავე პოზიციების შენარჩუნება შეძლო, განაცხადა მიხეილ სააკაშვილმა ბი-ბი-სისთვის მიცემულ ინტერვიუში
"მსოფლიო ბანკმა ნომერ პირველ რეფორმატორ ქვეყნად გვაღიარა და ეს ყველაფერი გავლენას ახდენს ჩვენს რეგიონზე, რადგან ჩვენ ვხდებით ავტორიტარული მართვის ალტერნატიული მოდელი. ამერიკა ამ საკითხში საქართველოს გერდით დგას. იმ ორი ქვეყნიდან, რომელსაც ამერიკა ათასწლეულის გამოწვევის პროგრამით ისევ ეხმარება, ერთ-ერთი საქართველოა. ეს იმას ნიშნავს, რომ აქ არიან ადამიანები, რომლებიც აცნობიერებენ საქართველოს მნიშვნელობას. თუ საქართველო იქნება წარმატებული, ის ღირებულებები, რომლებსაც რიჩარდ ჰოლბრუკიც ატარებდა, გადარჩება. სწორედ ამ ღირებულებების გამო უყვართ ადამიანებს ამერიკა. აქ საქმე ადამიანებს და არა გეოგრაფიას ეხება", _ აღნიშნა სააკაშვილმა.
