ობიექტთან დაკავშირებით, ინვესტორთა განაცხადების მიღება სამინისტროს ჯერ კიდევ 2010 წლის 20 დეკემბერს უნდა შეეწყვიტა, თუმცა სამინისტროს ხელმძღვანელობის გადაწყვეტილებით ვადამ 2011 წლის 15 იანვრამდე გადმაიწია.

"საქართველოს ფოსტის" აქციათა 100%-ის მფლობელი სახელმწიფოა.

რამდენიმე დღის უკან ეკონომიკისა და მდგრადი განვითარებს მინისტრმა ვერა ქობალიამ განაცხადა, რომ "საქართველოს ფოსტის" პრივატიზაციისთვის ისეთი კომპანია შეირჩევა, რომელსაც ამ სფეროში გამოცდილება აქვს.
"ყველა წინადადება, რომელიც ამ კუთხით სამინისტროში შემოდის დეტალურად ვსწავლობთ, რადგან ჩვენთვის მნიშვნელოვანია - ის კომპანია, რომელიც აირჩევა ფოსტის საპრივატიზაციოდ, იყოს ძლიერი და ამ სფეროში გამოცდილება ჰქონდეს. ეს იქნება გერმანიის ფოსტა, ამერიკის თუ სხვა", - აღნიშნა მინისტრმა.
შეგახსენებთ, რომ შპს "საქართველოს ფოსტა" ქართულ საფოსტო ბაზარზე მთავარი საფოსტო ოპერატორია. კომპანია ოპერირებს მთელი ქვეყნის მასშტაბით და ფლობს დაახლოებით 87 000 კვ.მ.
მიწას და შენობებს საერთო ფართით 100 000 კვ.მ.
ეკონომიკისა და მდგრადი განვითარების სამინისტროს ინფორმაციით, კომპანიას აქვს ყველაზე სანდო საფოსტო მომსახურების გაწევის იმიჯი. მისი ოფისები მთელი ქვეყნის ტერიტორიაზეა განლაგებული.
სამინისტროში მიიჩნევენ, რომ ამ მახასიათებლების გათვალისწინებით შპს "საქართველოს ფოსტა" საუკეთესო ინვესტირების საშუალებას იძლევა.
საქართველოს მთავრობა მზადაა განიხილოს სხვადასხვა შემოთავაზება პოტენციური მყიდველების მხრიდან კომპანიის სამომავლო განვითარების შესახებ.
"საქართველოს ფოსტასთან" დაკავშირებით განაცხადების მიღება ეკონომიკისა და მდგრადი განვითარების სამინისტროში 15 იანვარს წელი, 18:00 საათზე ამოიწურება.