ძველი დავალიანების მქონე პირებს, რომელებიც დავალეიანებას არ ეთანმხებიან შეუძლიათ ენერგეტიკისა და წყალმომარაგების მარეგულირებელ კომისიას კონკრეტული პრეტენზიით მიმართონ. ამის შესახებ "ჯი-ეიჩ-ენს" კომისიის თავმჯდომარემ გურამ ჩალაგაშვილმა განუცხადა.
"ძველი დავალიანების მქონე პირებს, რომლებიც ძველ დავალიანებას არ ეთანხმებიან, შეუძლიათ მარეგულირებელ კომისიას კონკრეტული პრეტენზიით მიმართონ. მათ საქმეებს შევისწავლით. დავალიანების უკანონობის შემთხვევაში კი, კომისია გადაწყვეტილებას მოქალაქის სასარგებლოდ მიიღებს. შესაბამისად, დავალიანების ჩამოწერა მოხდება", -_ განაცხადა გურამ ჩალაგაშვილმა.
მისი თქმით, თუ აბონენტებმა ძველი დავალიანება აღიარეს, მოუწევთ კიდეც მისი გადახდა.
გურამ ჩალაგაშვილი აცხადებს, რომ იმ აბონენტებს, რომლებსაც ერთდროულად ძველი დავალიანების გასტუმრება არ შეუძლიათ, უფლება აქვთ, დავალიანება 36 თვეზე გადაანაწილონ. დავალიანების გადანაწილებაზე მარეგულირებელმა კომისიამ წყლის მიმწოდებელი კომპანია შესაბამისი გადაწყვეტილებით დაავალდებულა.
