პენტაგონი საქართველოსთვის იარაღის მიყიდვის შესახებ, რუსული მედიით გავრცელებულ ინფორმაციას, უარყოფს.
"ეს სიცრუეა", - განუცხადეს სააგენტო "რია ნოვოსტის" შეერთებული შტატების თავდაცვის უწყებაში აღნიშნულ საკითხზე კომენტირებისას.
შეგახსენებთ, რომ სხვადასხვა სამხედრო წყაროზე დაყრდნობით რუსული მედია ამტკიცებს, რომ რამდენიმე ათეული მილიონი დოლარის ღირებულების ჰაერ-და ტანკსაწინააღმდეგო იარაღის საქართველოსთვის მიწოდებას პენტაგონი მესამე ქვეყნის საშუალებით გეგმავს.
მეტიც, რუსული მედიის ინფორმაციით, აღნიშნულზე შეთანხმება აშშ-ის თავდაცვის მდივან ალექსანდრ ვერშბოუსა და საქართველოს ვიცე-პრემიერ გიორგი ბარამიძეს შორის, გასული წლის ბოლოს, ბარამიძის ვაშინგტონში ვიზიტისას შედგა.
