სომხეთის პრემიერ-მინისტრმა ნიკოლ ფაშინიანმა თქვა, რომ ერევანს აქვს ძალიან ბევრი პასუხგაუცემელი კითხვა კოლექტიური უსაფრთხოების ხელშეკრულების ორგანიზაციასთან (“ოდკბ“) დაკავშირებით და ხედავს მიზეზებს, რომ იგი სახელმწიფოებრიობის საფრთხედ მიიჩნიოს.
„ჩვენ გავყინეთ „ოდკბ“-ში წევრობა არა მხოლოდ იმიტომ, რომ „ოდკბ“ არ ასრულებს თავის ვალდებულებებს სომხეთის მიმართ უსაფრთხოების თვალსაზრისით, არამედ იმიტომაც, რომ ჩვენი აზრით, „ოდკბ“ საფრთხეს უქმნის სომხეთის უსაფრთხოებას, მის მომავალ არსებობას, სუვერენიტეტსა და სახელმწიფოებრიობას“, - განაცხადა ფაშინიანმა.
ამასთან, მას არ უთქვამს, რომ ქვეყანა დატოვებს „ოდკბ“ -ს, მაგრამ გამოთქვა ეჭვი, რომ სომხეთი ოდესმე მოისმენს პასუხებს კითხვებზე.
„ზუსტად ორი წელი გავიდა მას შემდეგ, რაც აქცენტები დავსვით, პასუხები არამარტო არ გაჟღერდებულა, არამედ უკვე აშკარაა, რომ არც გაჟღერდება...
ვიდრე ამ პასუხებს არ მოვისმენთ, სომხეთი სულ უფრო და უფრო დაშორდება „ოდლბ“-ს. არის ასეთი გამოთქმა - უკუქცევის წერტილი“, - განაცხადა ფაშინიანმა.
ასევე მან არ გამორიცხა, რომ სომხეთი „რეალურ პერსპექტივას“ თუ დაინახავს, ევროკავშირში გაწევრიანების კურსს აიღებს.
შეგახსენებთ, რომ ზაფხულში ფაშინიანმა განაცხადა, რომ სომხეთი დატოვებს „ოდკბ“-ს, რადგან ორგანიზაციის წევრები არ ასრულებენ თავიანთ სახელშეკრულებო ვალდებულებებს და გეგმავენ აზერბაიჯანის ომს სომხეთის წინააღმდეგ.
