კოალიცია „ძლიერი საქართველოს“ ლიდერ მამუკა ხაზარაძესა და პარტია „საქართველოსთვის“ თავმჯდომარეს, გიორგი გახარიას შორის შეხვედრა დასრულდა.
შეხვედრა სასტუმრო „ოლდ თაუნში“ გაიმართა.
როგორც გიორგი გახარიამ ჟურნალისტებს განუცხადა, პრეზიდენტის სასახლეში შეხვედრაზე მიდის.
„მობრძანდით პრეზიდენტთან“, – აღნიშნა გიორგი გახარიამ.
მანამდე კოალიცია „ძლიერი საქართველოს“ ერთ-ერთმა ლიდერმა მამუკა ხაზარაძემ სოციალურ ქსელში დაწერა: „მზად ვარ, ნებისმიერ მომენტში შევხვდე გიორგი გახარიას პირადად და მხოლოდ ამის შემდეგ შევხვდეთ პრეზიდენტს“.
შეგახსენებთ, საქართველოს პრეზიდენტმა სალომე ზურაბიშვილმა მამუკა ხაზარაძისა და გიორგი გახარიას პარტიებს გაერთიანებისკენ მოუწოდა და კონსულტაციებისთვის ორბელიანების სასახლეში დაპატიჟა.
