უკრაინის პრეზიდენტმა ვოლოდიმირ ზელენსკიმ განაცხადა, რომ კურსკის ოლქში უკრაინელი სამხედროები ახორციელებენ ზეწოლას რუსეთზე და ყველაფერს აკეთებენ იმისათვის, რომ ომი რუსეთის ფედერაციის ტერიტორიაზე იგრძნობოდეს.
„მე ახლახან ვესაუბრე მთავარსარდალ სირსკის: დონეცკის რეგიონი, ჩვენ ვიკავებთ ჩვენს პოზიციებს, რაც არ უნდა რთული იყოს. მან ასევე მაცნობა კურსკის ოლქზე - ჩვენს ქმედებებსა და მტრის რეაქციაზე. როგორც იყო გათვალისწინებული, ჩვენ ვიცავთ ჩვენს ფუნდამენტურ ინტერესს - მშვიდობის მოახლოებას. ჩვენ ვახორციელებთ ზეწოლას რუსეთზე და ყველაფერს ვაკეთებთ იმისთვის, რომ ომი იგრძნობოდეს იქ, საიდანაც ის მოვიდა უკრაინაში“, - თქვა ზელენსკიმ.
ზელენსკიმ ასევე კომენტარი გააკეთა დღეს განხორციელებულ ტყვეთა გაცვლაზე, რის შედეგადაც 103 უკრაინელი სახლში დაბრუნდა.
”მადლობა ჩვენს გუნდს, რომელიც ჩართულია გაცვლის პროცესში, მადლობა თქვენი გამბედაობისთვის ყველა საბრძოლო ბრიგადას, რომლებიც ავსებენ გაცვლით ფონდს ჩვენი სახელმწიფოსთვის. კერძოდ, ჩვენმა ოპერაციამ კურსკის ოლქში მისცა ამას საჭირო ბიძგი", - თქვა ზელენსკიმ.
