აშშ-ის საპრეზიდენტო არჩევნებში ამომრჩევლებმა არჩევანი ორ ბოროტებას შორის ნაკლებზე უნდა გააკეთონ. ამის შესახებ რომის პაპმა ფრანცისკემ განაცხადა.
რომის პაპს ამერიკის საპრეზიდენტო კანდიდატების სახელები არ უხსენებია, თუმცა აღნიშნა, რომ ერთი „აძევებს მიგრანტებს“, მეორე კი „ბავშვებს კლავს“ აბორტების მეშვეობით.
„ორივე ეწინააღმდეგება სიცოცხლეს, ის, ვინც აძევებს მიგრანტებს და ის, ვინც კლავს ბავშვებს. ადამიანმა უნდა აირჩიოს ორი ბოროტებიდან ნაკლები. ვინ არის ორ ბოროტებას შორის უმცირესი? ეს ქალბატონი თუ ეს ბატონი? არ ვიცი. ყველამ, ვისაც სინდისი აქვს, უნდა იფიქროს ამაზე და გააკეთოს ეს. მიგრანტების გაგზავნა, მათი დატოვება, სადაც გინდა, მიტოვება, ეს რაღაც საშინელებაა, ბოროტებაა. დედის მუცლიდან ბავშვის გამოყვანა, მკვლელობაა, რადგან სიცოცხლეა. ამ საკითხებზე გარკვევით უნდა ვისაუბროთ“, – განუცხადა რომის პაპმა რომში ჟურნალისტებს აზიის 12-დღიანი ტურნეს დასრულების შემდეგ.
რომის პაპ,მა მიგრაციაზე საუბრისას, აღნიშნა, რომ ვინც არ მიჰყვება ბიბლიურ მოწოდებას უცხო ადამიანის მიღების შესახებ, ჩადის "მძიმე ცოდვას". მისივე თქმით, „აბორტის გაკეთება ნიშნავს ადამიანის მოკვლას. შეიძლება მოგეწონოთ ეს სიტყვა ან არა, მაგრამ ეს მკვლელობაა“, - დასძინა პაპმა.
