აშშ-ის ექსპრეზიდენტ დონალდ ტრამპსა და ვიცე-პრეზიდენტ კამალა ჰარისს დაახლოებით ერთნაირი საერთოეროვნული რეიტინგი აქვთ საპრეზიდენტო არჩევნებამდე სულ რაღაც რვა კვირით ადრე.
ამას მოწმობს The New York Times-სა და სიენის კოლეჯის გამოკითხვის შედეგები.
გამოკითხვის თანახმად, ჰარისისა და ტრამპის რეიტინგი დაახლოებით ერთნაირია - 48%, 47% და ოდნავ შეცვლილია ივლისის ბოლოს ჩატარებული მსგავს გამოკითხვასთან შედარებით, როდესაც პრეზიდენტი ჯო ბაიდენი არჩევნებს გამოეთიშა.
რაც შეეხება გადამწყვეტ შტატებს, რომელთა შედეგები განსაზღვრავს საპრეზიდენტო არჩევნების ბედს, იქ ორივე კანდიდატს შორის სხვაობა სტატისტიკური ცდომილების ფარგლებშია.
ჰარისი ლიდერობს ვისკონსინში (ჰარისი - 50%, ტრამპი - 47%), მიჩიგანი (ჰარისი - 49%, ტრამპი 47%) და პენსილვანიაში (ჰარისი - 49%; ტრამპი - 48%). ნევადაში, ჯორჯიაში, ჩრდილოეთ კაროლინასა და არიზონაში ორივე კანდიდატს 48 % აქვს.
