2010 წლის მესამე კვარტალში საქართველოს მიმდინარე ანგარიშის დეფიციტი, წინა კვარტალთან შედარებით, 25%-ით შემცირდა, ამის შესახებ ინფორმაციას "ბი ჯი კაპიტალი" ავრცელებს.
მათივე ინფორმაციით მესამე კვარტალში დეფიციტმა 240 მლნ აშშ დოლარი შეადგინა, რაც გამოწვეული იყო მომსახურების ბალანსის მნიშვნელოვანი ზრდით (+111% წინა კვარტალთან შედარებით, ხოლო +51% წინა წლის ანალოგიურ პერიოდთან შედარებით) 200 მლნ აშშ დოლარამდე. საქონლის სავაჭრო დეფიციტი მხოლოდ 3%-ით გაიზარდა და 658 მლნ აშშ დოლარი შეადგინა. ამასთანავე, კაპიტალისა და ფინანსური ანგარიშის ბალანსი წინა კვარტალთან შედარებით 290%-ით გაიზარდა 319 მლნ აშშ დოლარამდე, რაც გამოწვეული იყო არასაფინანსო სექტორში სავალო კაპიტალის შემოდინებისა და ასევე პირდაპირი უცხოური ინვესტიციების მნიშვნელოვანი ზრდით, რამაც გადააჭარბა საბანკო სექტორიდან კაპიტალის გადინების მაჩვენებელს. მთლიანობაში ქვეყნის საგარეო საფინანსო ბალანსი მესამე კვარტალში დადებითი იყო და 80 მლნ აშშ დოლარს შეადგენდა, ხოლო საგარეო საფინანსო დეფიციტი 2010 წლის 9 თვის მანძილზე 239 მლნ აშშ დოლარს გაუტოლდა.
"გასული წლის 9 თვის შედეგები ამყარებს ჩვენს პროგნოზს, რომ 2010 წლის მიმდინარე ანგარიშის დეფიციტი მშპ-ს 11%-ს გაუტოლდება, რაც მნიშვნელოვნად დაბალია კრიზისამდელი პერიოდის მაჩვენებელზე, რომელიც 2008 წელს 23%-ს შეადგენდა. ჩვენი პროგნოზით 2011 წელს დეფიციტი მშპ-ს 13%-მდე გაიზრდება, ძირითადად ქვეყნის შიდა მოთხოვნის აღდგენის შედეგად. თუმცა 2011 წლის მიმდინარე ანგარიშის დეფიციტის დაფარვა სავალუტო შემოდინების გზით მოხდება. ჩვენი ვარაუდით უცხოური პირდაპირი ინვესტიციები წინა წლის პროგნოზთან შედარებით (610 მლნ აშშ დოლარი) 2011 წელს 30%-ით გაიზრდება"- აცხადებს "ბი ჯი კაპიტალის" ანალიტიკოსი გიორგი ირემაშვილი.
შეგახსენებთ, რომ სს "ბი ჯი კაპიტალი" (ყოფილი "გალტ ენდ თაგგარტ სექიურითის"), წარმოადგენს საქართველოში მოწინავე საინვესტიციო ბანკს, რომელიცდაარსდა 2000 წელს. კომპანია სთავაზობს კლიენტებს სრულ საინვესტიციო საბანკო მომსახურებას განვითარებადი ბაზრის მქონე ქვეყნებში დაყოფილ საბჭოთა კავშირის რესპუბლიკებში, ძირითადად საქართველოში, უკრაინასა და ბელარუსიაში. კომპანიის საქმიანობის პრიორიტეტულიმიმართულებებია საბროკერო მომსახურება აქციებისა და ობლიგაციების შეძენაში, კვლევების ჩატარება, და კლიენტებისათვის საინვესტიციოკაპიტალის მოზიდვა.
2010 წელს, პრესტიჟულმა გამომცემლობამ, "Euromoney"-მ, სს "ბი ჯი კაპიტალი" დაასახელა როგორც განვითარებად ბაზრებზე მოქმედისაუკეთესო საინვესტიციო ბანკი ცენტრალურ და აღმოსავლეთ ევროპაში.
სს "ბი ჯი კაპიტალი"-ს 100% წილის მფლობელია სს "საქართველოს ბანკი".
