თბილისში მიწისძვრით დაზარალებული ოჯახების კომპაქტურად ჩასახლების ადგილას სს `თელასი" ელექტროენერგიის აღრიცხვისა და გადახდის სისტემის მოწესრიგების პროექტს ახორციელებს.
პროექტი, რომელიც თბილისის მერიასთან - გლდანი-ნაძალადევის რაიონის გამგეობასთან, ერთობლივად მიმდინარეობს, სახელმწიფოს მიერ მიწისძვრით დაზარალებულებისთვის საკუთრებაში გადაცემულ საცხოვრებელ ფართებზე ელექტროენერგიის ინდივიდუალური სააღრიცხვო სისტემების მოწესრიგებას გულისხმობს. კერძოდ, პროექტი შეეხება ქერჩის ქ. NN 22-ში (ყოფილი უშიშროების აკადემიის შენობა) მცხოვრებ 300-ზე მეტ ოჯახს.
Pსაკაბელო მეურნეობის და აღრიცხვის კვანძების მოწყობას `თელასი" საკუთარი სახსრებით ახორციელებს, რისთვისაც 120 ათასი ლარი გამოყო. ქსელის კეთილმოწყობის სამუშაოები სატრანსფორმატორო ჯიხურიდან მრიცხველის კარადამდე ელექტროსადენების შეცვლასა და მრიცხველების მონტაჟს ითვალისწინებს. კაბელების ბინებში შეყვანისა და ავტომატური ამომრთველის მონტაჟს თბილისის მერია აფინანსებს. პროექტის მთლიანი ღირებულება 280 ათას ლარს შეადგენს.
პროექტის პრეზენტაციაზე დღეს `თელასის" საზოგადოებასთან ურთიერთობის დეპარტამენტის ხელმძღვანელი ვალერი ფანცულაია და გლდანი-ნაძალადევის რაიონის გამგებელი ნოდარ სანდუხაძე იმყოფებოდნენ.
@"პროექტის რეალიზაციის მეშვეობით მისი ბენეფიციარები `თელასის" ინდივიდუალური აბონენტები გახდებიან, რაც საბოლოოდ მოაწესრიგებს ელექტროენერგიის აღრიცხვის და მისი საფასურის გადახდის საკითხს. აგრეთვე, საგრძნობლად გაიზრდება ელექტრომომარაგების საიმედოობა და ხარისხი" - განაცხადა ვალერი ფანცულაიამ.
"ამ პროექტს "თელასთან" ერთად ვახორციელებთ. Yყველაფერი ეს პატიოსან მომხმარებელს საშუალებას მისცემს ზუსტად აღრიცხვოს მოხმარებული ელექტროენერგია, რაც თავისთავად დენის საფასურის გადახდის პრობლემას მოხსნის" - განცხადა ნოდარ სანდუხაძემ.