მოძრაობა "სამართლიანი საქართველოსთვის" გამგეობის თავჯდომარედ ზურაბ ნოღაიდელის ნაცვლას სერგო ჯავახაძე დაინიშნა.
გამგეობის წევრ ნატო ხოხიაშვილის განცხადებით, ეს გადაწყვეტილება გამგეობის სხდომაზე იქნა მიღებული და რეგისტრაციაში გასატარებლად იუსტიციის სამინისტროს გადაეგზავნა.
როგორც ხოხიაშვილმა განაცხადა, სერგო ჯავახაძის ოფიციალურად დანიშვნის შემდეგ შეიკრიბება პარტიის სარევიზიო კომისია, რომელიც ძველი ხელმძღვანელობისგან ფინანსურ დოკუმენტაციას გამოითხოვს.
"ნოღაიდელი რჩება გამგეობის შემადგენლობაში და პარტიას ვერ დატოვებს მანამ, სანამ არ დაფარავს დავალიანებას. თუ ის ამ ვალდებულების მიმართ კეთილ ნებას არ გამოიჩენს, მაშინ სასამართლო ძალით მოუწევს ხელფასების დარიგება", - აღნიშნა ხოხიაშვილმა.
