"ჰერიტაჯ ფაუნდეიშენისა" და "უოლ სტრიტ ჟურნალის" მიერ გამოქვეყნებულ მსოფლიო ეკონომიკური თავისუფლების ინდექსში საქართველომ 29 ადგილი დაიკავა.
"ბიზნესის თავისუფლება, ვაჭრობის თავისუფლება, ფისკალური თავისუფლება და შრომის თავისუფლება განაპირობებს საქართველოში ეკონომიკური თავისუფლების მაღალ ხარისხს. მიუხედავად რუსეთის აგრესიისა და გლობალური კრიზისისა, ეკონომიკური ზრდა საქართველოში ბოლო 5 წლის განმავლობაში 4,8 პროცენტით განისაზღვრა", - აღნიშნულია "ჰერიტაჯ ფაუნდეიშენისა" და "უოლ სტრიტ ჟურნალის" ანგარიშში.
პოსტსაბჭოთა სივრცის ქვეყნებიდან საქართველოს მესამე ადგილი უკავია. ესტონეთი მე-14 ადგილზეა, ლიტვა კი 24-ეზე.
ჩვენი მეზობელ ქვეყნებიდან ეკონომიკური თავისუფლების ინდექსში სომხეთი 36-ე ადგილზეა, თურქეთი 67-ეზე, რუსეთი 143-ეა, ხოლო აზერბაიჯანი 92-ეზე.
183 ქვეყნისგან შემდგარ რეიტინგში ეკონომიკური თავისუფლების ყველაზე მაღალი მაჩვენებელი ჰონგ კონგში დაფიქსირდა. პირველ სამეულში ჰონგ კონგთან ერთად სინგაპური და ავსტრალია იმყოფებიან.
