ისრაელის თავდაცვის ძალებმა განაცხადა, რომ „ჰეზბოლას“ მიერ რაკეტების გაშვების სამზადისის საპასუხოდ, ისრაელელმა სამხედროებმა ლიბანში ტერორისტების ობიექტებზე დარტყმები განახორციელეს. როგორც ისრაელის თავდაცვის ძალებში აცხადებენ, ჰეზბოლა“ ისრაელზე ფართომასშტაბიანი თავდასხმისთვის ემზადება.
„ისრაელის საჰაერო ძალების გამანადგურებლებმა „ჰეზბოლას“ სამიზნეებზე იერიში მიიტანეს, რომლებიც პირდაპირ საფრთხეს უქმნიდნე ისრაელის მოქალაქეებს“, - ნათქვამია ისრაელის თავდაცვის ძალების განცხადებაში .
უწყების სპიკერმა დანიელ ჰაგარიმ აღნიშნა, რომ ისრაელელმა სამხედროებმა აღმოაჩინეს, რომ „ჰეზბოლა“ ისრაელის ტერიტორიის მიმართულებით რაკეტების გაშვებას ამზადებდა.
„თავდაცვის მიზნით, ამ საფრთხეების აღმოსაფხვრელად, ისრაელის თავდაცვის ძლებმალიბანში ტერორისტულ სამიზნეებს დაარტყეს, საიდანაც „ჰეზბოლა“ აპირებდა თავდასხმების განხორციელებას ისრაელის მშვიდობიანი მოსახლეობის წინააღმდეგ.
სამხრეთ ლიბანის მოქალაქეების სახლების სიახლოვეს ჩვენ ვხედავთ, რომ „ჰეზბოლა“ ემზადება ისრაელზე ფართომასშტაბიანი თავდასხმისთვის, რაც საფრთხეში აყენებს ლიბანელ სამოქალაქო პირებს.
ჩვენ ვაფრთხილებთ მშვიდობიან მოსახლეობას იმ ადგილებში, სადაც „ჰეზბოლა“ მოქმედებს, დაუყოვნებლივ დატოვონ საშიშროების ზონა თავიანთი უსაფრთხოებისთვის“, - განაცხადა ჰაგარიმ.
