რუსული კანონი ძალიან ცუდად აისახა საქართველოს ეკონომიკაზე, მაგალითად, ჩვენი სავალუტო რეზერვები იზრდებოდა ხოლმე გასულ წლებში ივლის-აგვისტოს თვეებში. ორი წლის წინ ჩვენ სავალუტო რეზერვების ზრდა შეადგენდა 370 მილიონ დოლარს, წელს ივლისში სავალუტო რეზერვების ზრდა იყო 75 პროცენტით ნაკლები, თითქმის განულდა და ჩამოვიდა 91 მილიონზე. შემცირდა 370 მილიონიდან 91 მილიონამდე, - განაცხადა „ერთიანობა - ნაციონალური მოძრაობის“ გენერალურმა მდივანმა პეტრე ცისკარიშვილმა.
მისი თქმიტ, ახლა ყველსთვის ნთელია რა მიზნები ამოძრავებდა „ქართულ ოცნებას“, როდესაც რუსულნ კანონს იღებდა.
„რუსული კანონის მიღებიდან დაახლოებით ორი თვე არის გასული და ჩვენ ზუსტად ვიცით ის პოლიტიკური მიზეზები, მიზნები და ამოცანები, რაც „ქართულ ოცნებას“ ამოძრავებდა, როდესაც რუსულ კანონს იღებდა - ეს იყო საერთაშორისო იზოლაცია, საქართველოს რუსულ ორბიტაზე გადაყვანა და შიდა პოლიტიკური რეპრესიების მოწყობა, რომ ქვეყანაში არ არსებობდეს სამოქალაქო სექტორი, არასამთავრობო ორგანიზაციები და ახლა უკვე დაგვიანონსეს, რომ არც ოპოზიცია არ უნდა არსებობდეს.
ნუ დაგვავიწყდება რუსული კანონის ძალიან უარყოფითი ეფექტი ქართულ ეკონომიკაზე. ჩვენი ეკონომიკა სამწუხაროდ არც მანამდე ბრწყინავდა, მაგრამ მე მინდა წარმოგიდგინოთ თუ როგორ აისახა რუსული კანონის მიღება, საქართველოს საერთაშორისო იზოლაცია ქართულ ეკონომიკაზე. მაგალითისთვის, საერთაშორისო შემოდინებები, ჩვენი სავალუტო რეზერვები იზრდებოდა ხოლმე გასულ წლებში ივლის-აგვისტოს თვეებში, მაგალითად ორი წლის წინ ჩვენ სავალუტო რეზერვების ზრდა შეადგენდა 370 მილიონ დოლარს იმისთვის, რომ გადაზღვეულიყო მომავალი თვეები, როდესაც ტურისტული ასეთი აქტიური არ არის, მაგალითად ნოემბერში და დეკემბერში. წელს ივლისში სავალუტო რეზერვების ზრდა იყო 75 პროცენტით ნაკლები, თითქმის განულდა და ჩამოვიდა 91 მილიონზე. 370 მილიონიდან 91 მილიონამდე შემცირდა. აქვე ჩვენი მთავრობა ხშირად ტრაბახობს ხოლმე სამუშაო ადგილების შექმნით და ამ სტატისტიკით მე მინდა დაგანახოთ სიმართლე, რაც შეეხება სამუშაო ადგილებს და სამუშო ძალას, რომლის სტატისტიკის მიხედვით მონაცემები დაახლოებით 14 პროცენტი არის უმუშევრობის დონე, ხოლო ამ 14 პროცენტში შედის ის ადამიანები, რომლებიც დასაქმებულები არიან 500 ლარზე ნაკლებ ხელფასზე. ჩვენ არ ვთვლით, რომ სამუშაო ადგილად შეიძლება ჩაითვალოს ისეთი დასაქმება როდესაც ადამიანს ურჩევნია ასაკობრივ პენსიაზე იყოს და უფრო მომგებიანი იქნება მისთვის, ვიდრე მუშაობდეს და იღებდეს იმაზე ნაკლებს, ვიდრე ქვეყანაში არის პენსია. ასეთი არის 160 000 ადამიანი, ხოლო თვითდასაქმებულად თვლიან 55 000 ადამიანს, რომელსაც სოფლად პატარა მიწის ნაკვეთი გააჩნია, ან რამდენიმე ქათამი ჰყავს და ის დასაქმებულად ითვლება, მას მეტი შემოსავალი თურმე არ სჭირდება. ამ ციფრების, ამ ფაქტორების გათვალისწინებით მთლიანი უმუშევრობა ქვეყანაში შეადგენს მინიმუმ 40 პროცენტს. ამ მონაცემების გასამყარებლად კმარა მხოლოდ იმ სტატისტიკის ამოწევა, რასაც იგივე სტატისტიკის დეპარტამენტი აქვეყნებს, რომ თურმე თბილისში უმუშევრობა არის 17,5 პროცენტი, ხოლო გურიაში უმუშევრობა არის 16 პროცენტი. ეს არის ერთ-ერთი ინდიკატორი იმისა თუ როგორ იტყუებიან უმუშევრობასთან დაკავშირებით.
რაც შეეხება ადგილობრივ ექსპორტს, ჩვენ რამდენიმე კვირის წინაც გვქონდა ჩვენ ამაზე დეტალური განმარტებები. რეექსპორტი პირველ შვიდ თვეში ეროვნული წარმოების ქართული ექსპორტი რეექსპორტის გარდა არის მკვეთრად შემცირებული, მილიარდ ნახევარ დოლარზეა ჩამოსული და ის სქემების ექსპორტი, რასაც რეექსპორტს ეძახიან, სადაც „ოცნებასთან“ დაახლოებული პირები შოულობენ მილიონებს, ეს ციფრი არის დაახლოებით ორი მილიარდი დოლარით მეტი პირველ შვიდ თვეში ანუ ეს ფული იშოვეს იმ კომპანიებმა, რომლებსაც სქემები აქვთ აწყობილი, რუსეთზე რეექსპორტს ახდენენ მათ შორის „ქართულ ოცნებასთან“ ერთად, ხოლო ქვეყანაში შიგნით რაც იწარმოებოდა ეს არის მილიარდ ნახევარი, დაახლოებით ნახევარზე კიდევ უფრო ნაკლები. ამის კიდევ ერთი და ძალიან მნიშვნელოვანი ციფრი მთელი მთლიანი ჩვენი ექსპორტი, ეროვნული ექსპორტი, შიდა წარმოება, რაც ქვეყნის გარეთ გავიდა გასულ წელს იყო დაახლოებით 2,8 მილიარდი დოლარი, ამის საპირისპიროდ 4 მილიარდ დოლარზე მეტს რიცხავენ ჩვენი დიასპორების წარმომადგენლები ემიგრაციიდან. საქართველოს გარედან ფულადი გზავნილები არის ერთნახევარჯერ მეტი, ვიდრე ქართული ეროვნული წარმოება, რაც გავიდა ექსპორტზე, ანუ რეალურად რაც ასტაბილურებს ჩვენს ეკონომიკას და ინარჩუნებს ასე თუ ისე ლარის ეროვნული ვალუტის კურსს, ეს არის გზავნილები საზღვარგარეთიდან, რომელიც ერთ ნახევარჯერ მეტია, საქართველოდან ქართული პროდუქციის ექსპორტი და ამ ადამიანებს „ქართული ოცნება“ არ აძლევს არჩევნებში მონაწილეობის უფლებას, რადგან ეშინია მათი გადაწყვეტილების. ამ ყველაფრის საპირისპიროდ, მე მხოლოდ ერთ მაგალითს მოვიყვან, მას შემდეგ, რაც დემოკრატიული ოპოზიცია გაიმარჯვებს 26 ოქტომბრის არჩევნებში, ჩვენ ჩვენს ამერიკელ პარტნიორებთან ერთად ჩვენი „ერთიანობის“ ლიდერები თინა ბოკუჩავა და გიორგი ვაშაძე ამ დღეებში სწორედ შეერთებულ შტატებში იმყოფებოდნენ, რათა აღადგინონ და გააუმჯობესონ ის დაზიანებული ურთიერთობები, რაც სამწუხაროდ შექმნა „ქართულმა ოცნებამ“ შეერთებულ შტატებთან, მეგობარი აქტი ითვალისწინებს შემდეგი რამდენიმე წლის განმავლობაში შეერთებულ შტატებში უვიზო მიმოსვლას, თავისუფალ ვაჭრობას და უსაფრთხოების და სტაბილურობის ერთიან ჩარჩოს შეერთებული შტატებიდან უზრუნველყოფის, რაც თავისთავად ნიშნავს, რომ საქართველო მიმზიდველი იქნება ინვესტიციებისთვის არა მხოლოდ ამერიკული, არამედ მთელი მსოფლიოდან, რადგან ჩვენ გვექნება ასეთი მჭიდრო ურთიერთობა შეერთებულ შტატებთან. შემდეგი რამდენიმე წლის განმავლობაში აბსოლუტურად რეალური და შესაძლებელია, რომ მაღალტექნოლოგიური ინვესტიციების მიმართულებით დაახლოებით 15 მილიარდი დოლარი იქნეს მოზიდული ქართული ეკონომიკისთვის, რათა საქართველოში შეიქმნას მაღალანაზღაურებადი და ღირსეული სამუშაო ადგილები. ის ქვეყანა, რომელიც იქნება აშშ-ის ფოლგის ქვეშ, მას ენდობა მთლიანად ცივილიზებული სამყარო, რომ ნებისმიერ ნახევრად გამტარები, მიკრო ჩიპები, თუ ვიდეო ბარათები, რომლებიც საქართველოში იქნება წარმოებული, საქართველოს ექნება საკმარისი სანდოობა იმისთვის, რომ ამ ტიპის პროდუქცია გავა მხოლოდ იმ აზრებზე, რომელიც წარმოადგენს ჩვენი დასავლური ცივილიზაციის და მეგობარი ქვეყნების წრეს და არანაირად ის არ გავა ირანის, ჩრ. კორეის ან თუნდაც რუსეთის მიმართულებით. ამის გარანტია უნდა ჰქონდეს შეერთებულ შტატებს და ჩვენს მეგობრებს იმისათვის, რომ საქართველო იყოს მიმზიდველი მაღალტექნოლოგიური ინვესტიციებისთვის ნებისმიერი მიმართულებით, მათ შორის თვითონ ამერიკის მხრიდანაც.
ეს არის უმთავრესი პირობა, რომელიც შეერთებული შტატებიდან და სხვა ჩვენი მეგობარი ქვეყნებიდან შესაძლებელი იქნება დიდი ინვესტიციების მოზიდვა, ხოლო ამის გარდა, რა თქმა უნდა, ადგილზე შესაცვლელია კანონმდებლობა იმისათვის, რომ კანონის უზენაესობა არსებობდეს, გადასახადების შეღავათიანი რეჟიმები იყოს კონკრეტული მიმართულებით, სასამართლო რეფორმა იყოს გატარებული იმისათვის, რომ დიდ რისკებს ვერ ხედავდეს ინვესტორი, ასე რომ საქართველოშიც, გარდა მეგობარი აქტისა, ბევრი რეფორმა იქნება გასატარებელი იმისათვის, რომ ამ ტიპის დიდი, სერიოზული მაღალტექნოლოგიური ინვესტიციები მოვიზიდოთ, ხოლო ეს ყველაფერი, რა თქმა უნდა, შესაძლებელი იქნება და მოხდება მას შემდეგ, რაც ჩვენ არჩევნებში გავიმარჯვებთ.“ - განაცხადა პეტრე ცისკარიშვილმა.
