13-15 იანვარს თურქეთის რესპუბლიკის ქალაქ ტრაბზონში პირველი შავი ზღვის აუზის ქვეყნების ტურისტული გამოფენა გაიმართება, სადაც "სტუმარ რეგიონად" აჭარის ავტონომიური რესპუბლიკა არის მიწვეული.
აჭარის ტურიზმის დეპარტამენტის ინფორმაციით, გამოფენაში რეგიონიდან მსხვილი სასტუმროები, აჭარის საინვესტიციო დეპარტამენტი, ტურისტული სააგნტოები და აჭარის სავაჭრო სამრეწველო პალატა მიიღებს მონაწილეობას.
გამოფენას ოფიციალურად აჭარის სახელმწიფო ცეკვის ანსამბლი გახსნის.
ამ მიზნით, აჭარაში არსებული ტურისტული სააგენტოებისა და სხვა ტურისტული ობიექტების წარმომადგენელთა 60 კაციანი დელეგაცია ბათუმიდან ტრაბზონში უკვე გაემგზავრა.
